ہانگ کانگ (نیوزڈیسک )ہانگ کانگ اور شنگھائی سٹاک ایکسچینج میں بدھ کو تیزی کا رجحان رہا۔ شنگھائی سٹاک ایکسچینج میں تیزی ریکارڈ کی گئی اور شنگھائی کمپوزٹ انڈیکس 0.45 فیصد یا 22.82 پوائنٹس کی بہتری سے 5090.71 پوائنٹس ہوگیا جبکہ ہانگ کانگ سٹاک ایکسچینج میں کاروباری سرگرمیوں کے دوران حصص کی قیمتوں میں مجموعی طور پر 0.21 فیصد اضافہ ریکارڈ کیا گیا اور ہینگ سینگ انڈیکس 55.98 پوائنٹس کی بہتری سے 27045.05 پوائنٹس کی سطح پر پہنچ گیا جبکہ بریک تک مجموعی تجارتی حجم 66.86 ارب ہانگ کانگ ڈالر رہا ۔