اسلام آباد (نیوز ڈیسک)گزشتہ مالی سال کے مقابلے میں رواں مالی سال کے پہلے دس مہینوں میں جولائی تا اپریل 2014-15ءکے دوران ٹرکوں کی فروخت میں 58فیصد سے زائد کا شاندار اضافہ ہوا ہے ۔ پاکستان آٹو موٹیو مینو فیکچررز ایسوسی ایشن (پاما) کے اعدادو شمار کے مطابق جاری مالی سال 2014-15ءکے ابتدائی دس مہینوں کے دوران ٹرکوں کی فروخت کا حجم 3ہزار 130یونٹس تک بڑھ گیا جبکہ گزشتہ مالی سال کے اسی عرصہ کے دوران ایک ہزار975ٹرک فروخت کئے گئے تھے اسطرح گزشتہ سال کے مقابلے میں رواں مالی سال میں ٹرکوں کی فروخت میں 1255یونٹس کا نمایاں اضافہ ریکارڈ کیا گیا ہے ۔