اسلام آباد(نیوز ڈیسک)وفاقی بجٹ 2015-16 کے حوالے سے جائزہ اجلاس آئندہ ہفتے متوقع ہے، وزیر خزانہ اسحاق ڈارنے متعلقہ حکام کو تیاریاں جلد مکمل کرنے کی ہدایت کردی۔ذرائع کے مطابق وزیرخزانہ اسحاق ڈار نے آئندہ ماہ پیش کیے جانے والے وفاقی بجٹ کے حوالے سے متعلقہ حکام کو ہدایت کی ہے کہ بجٹ میں شامل مسودوں کو جلد حتمی شکل دیں، تاکہ آئندہ ہفتے بجٹ جائزہ اجلاس منعقد بلایا جاسکے، اجلاس میں مختلف محکموں کی کارکردگی کا جائزہ لینے کے ساتھ آئندہ بجٹ کے اہم نکات زیر بحث لائے جائیں گے،جبکہ رواں مالی سال بجٹ اہداف اور اقدامات کا جائزہ بھی لیا جائےگا۔