اسلام آباد(نیوز ڈیسک)گزشتہ مالی سال کے مقابلہ میں جاری مالی سال 2014-15ءمیں مارچ کے دوران بستر کی چادروں کی ملکی برآمدات میں 3کروڑ 10لاکھ ڈالر کی کمی واقع ہوئی ہے ۔ ادارہ برائے شماریات پاکستان (پی بی ایس) کے اعدادو شمار کے مطابق گزشتہ مالی سال میں مارچ کے دوران بستر کی چادروں کی ملکی برآمدات سے 18کروڑ 50لاکھ ڈالر کا زرمبادلہ کمایا گیا تھا جبکہ جاری مالی سال کے اسی عرصہ کے دوران بستر کی چادروں کی ملکی برآمدات کا حجم 15کروڑ 40لاکھ ڈالر تک کم ہوگیا ہے ۔ اسطرح مارچ 2014ءکے مقابلہ میں مارچ 2015ءکے دوران بستر کی چادروں کی برآمدات میں 31ملین ڈالر کی کمی ریکارڈ کی گئی ہے ۔