کراچی (نیوزڈیسک)پی آئی اے گرینڈ ڈسکاﺅنٹس اسکیم کے تحت موسم گرما میں کلب کلاس میں 40 فیصد اور اکانومی کلاس میں 20 فیصد کرایوں میں رعایت کررہا ہے، اس بات کا اظہار پی آئی اے کے ترجمان عامر میمن نے کیا۔ پی آئی اے کے ترجمان کے مطابق ، جن مقامات کے لئے ٹکٹ خریدنے پررعایت حاصل ہوگی ان میں امریکہ، کینیڈا، برطانیہ، یورپ، کوالالمپور، بمبئی، دہلی اور ڈھاکہ شامل ہیں۔ترجمان نے مزید واضح کیا کہ ، پی آئی اے یکم مئی 2015ءتا جولائی 25 ، 2015ءتک کہ کلب کلا س کے کرایوں میں 40 فیصد اور اکانومی کلاس کے کرایوں میں 20 فیصد کی رعایت دے رہا ہے جس کے تحت ٹکٹ یکم مئی 2015ءسے مئی 15 ، 2015ءتک خریدے جاسکتے ہیں۔