اسلام آباد (نیوز ڈیسک) پاکستان ڈویلپمنٹ فنڈ (پی ڈی ایف ایل) کے بورڈ آف ڈائریکٹرز کا دوسرا اجلاس وفاقی وزیر خزانہ سینیٹر اسحاق ڈار کی زیر صدارت ہوا۔ اجلاس میں وفاقی وزیر کو بتایا گیا کہ بورڈ کی ہدایات کی روشنی میں پی ڈی ایف ایل کو فعال بنانے کیلئے ایس ای سی پی کی مشاورت سے تمام ضروری دستاویزات تیار کر لی گئی ہیں۔ بورڈ آف ڈائریکٹرز نے پی ڈی ایف ایل کے چیف ایگزیکٹو آفیسر اور کمپنی سیکرٹری کو پی ڈی ایف ایل اکاﺅنٹس کے انتظام کا اختیار دیدیا تاکہ کمپنی کے بزنس اور انتظامی اخراجات کو چلایا جا سکے۔