لاہور(نیوزڈیسک) وزیر اعلیٰ پنجاب شہباز شریف نے پریس کانفرنس کرتے ہوئے کہا شمسی توانائی بجلی کا سب سے سستا ذریعہ ہے۔ قائداعظم سولر پاور پلانٹ کی اوسط پیداوار ساڑھے 18 میگا واٹ اور لاگت ساڑھے 13 ارب روپے ہے۔ پلانٹ کی صبح اور شام کے اوقات میں پیداوار کم ہو جاتی ہے جبکہ دوپہر کے اوقات میں بجلی کی پیداوار زیادہ ہو جاتی ہے۔ دنیا میں سولر پروجیکٹس کی اوسط پیداوار 19 میگاواٹ ہے۔ ان کا مزید کہنا تھا پنجاب میں پن بجلی منصوبوں کے مقامات بہت کم ہیں جبکہ خیبرپختونخوا اور آزاد کشمیرمیں پن بجلی منصوبوں کے وسیع مواقع موجود ہیں۔ توانائی کی کمی پوری کرنے کے لیے متعدد منصوبے لگائے جا رہے ہیں اور قوم کی جتنی خدمت کر سکتے ہیں کرتے رہیں گے۔انہوں نے کہاکہ پیپلزپارٹی کے سابق وزیرپانی وبجلی نے اس منصوبے کی فائل دوسال تک دبائے رکھی ۔انہوں نے کہاکہ نندی پورپاﺅرپراجیکٹ میں مبینہ کرپشن کے بارے میں وزیراعظم نوازشریف نے سخت نوٹس لیاہے اوراس کاآڈٹ کرنے کاحکم دیاہے ۔انہوں نے کہاکہ گذشتہ روزپانی وبجلی کے وزیرخواجہ آصف نے نیب کوبھی اس سلسلے میں خط لکھاہے اورایک نجی ٹی وی چینل پراس سلسلے میں ایک مکمل انٹرویوبھی دیاہے ۔انہوں نے کہاکہ ہماری جماعت میں کسی بھی لیول پرکرپش نہیں ہورہی اورکرپشن ہمارے لئے ناقابل برداشت ہے ۔