اسلام آباد(نیوز ڈیسک) نگران وزیراعلیٰ پنجاب محسن نقوی نے کوئٹہ سبی قومی شاہراہ کمڑی پل پر بلوچستان کانسٹیبلری کی گاڑی کے قریب دھماکے کی شدید مذمت کی ہے۔ وزیراعلیٰ محسن نقوی نے دھماکے میں بلوچستان کانسٹیبلری کے اہلکاروں کی شہادت پردکھ اور افسوس کا اظہار کیا ہے۔ وزیراعلیٰ محسن نقوی نے شہید اہلکاروں کے لواحقین سے دلی ہمدردی اور تعزیت کا اظہار کیا ہے اور زخمیوں کی جلد صحت یابی کیلئے دعا کی ہے۔ وزیراعلیٰ محسن نقوی نے کہا کہ شہادت کا بلند رتبہ پانے والے اہلکاروں کی قربانیو ں کو خراج عقیدت پیش کرتے ہیں۔ہماری تمام تر ہمدردیاں شہداء کے لواحقین اور زخمیوں کے ساتھ ہیں۔دہشت گرد دھرتی کا بوجھ ہیں اور اتحاد کی طاقت سے ان کا خاتمہ کریں گے۔