اسلام آباد (این این آئی)وزیر دفاع اور پاکستان مسلم لیگ (ن)کے سینئر رہنما خواجہ آصف نے کہا ہے کہ عدلیہ سمجھوتے کا شکار ہوئی پارٹی سربراہ اور سابق وزیراعظم نواز شریف کے خلاف فیصلے آئے،فراڈیئے اورنوسرباز کی ساری سازشیں ناکام ہوگئیں،جیل بھرو تحریک میں خود ضمانت کرالی ،کارکنوں سے کہا جیلوں میں جائیں۔گوجرانوالہ میں تنظیمی کنونشن سے خطاب میں وزیر دفاع خواجہ آصف نے کہا کہ پارٹی قائد اور سابق وزیراعظم نواز شریف کیخلاف کئی سازشیں کی گئیں لیکن ہماری جدوجہد کامیاب ہوگی، ہم منزل کو پہنچیں گے اور قائد نواز شریف واپس وطن آئیں گے۔عمران خان پر تنقید کرتے ہوئے خواجہ آصف نے کہا کہ ایک فراڈیئے اورنوسرباز کی ساری سازشیں ناکام ہوگئیں، آخری سازش جیل بھرو تحریک کی تھی خود ضمانت کرالی اور کارکنوں سے کہا کہ جیلوں میں جائیں، کسی نے ان کی بات نہ مانی،100کارکن گرفتارہوئے۔