اسلام آباد (این این آئی)اسلام آباد ہائی کورٹ کے سابق جج شوکت عزیز صدیقی نے دعویٰ کیا ہے کہ جنرل ریٹائرڈ فیض حمید نے ان کے گھر آکر پیشکش کی تھی کہ وہ ان کی بات مان لیں تو چیف جسٹس اسلام آباد ہائیکورٹ بنا دیں گے۔نجی ٹی وی کے مطابق جسٹس ریٹائرڈ شوکت عزیز صدیقی نے کہا کہ اس وقت انہوں نے فیض حمید کو جواب دیا تھا کہ ہائی کورٹ تو کیا سپریم کورٹ کا بھی چیف جسٹس بنا دیں تو اپنے ضمیر کے خلاف نہیں جاؤں گا۔یاد رہے کہ چند روز قبل جسٹس ریٹائرڈ شوکت عزیز صدیقی اور سابق بیوروکریٹ اوریا مقبول جان کے درمیان بھی سوشل میڈیا پر تکرار ہوئی تھی جس میں دونوں نے ایک دوسرے کو ترکی با ترکی جواب دیا تھا۔