ملتان (مانیٹرنگ ڈیسک) پاکستان سپر لیگ سیزن 8 کے پانچویں میچ میں پشاور زلمی نے ٹاس جیت کر فیلڈنگ کا فیصلہ کیا، ملتان سلطانز کی جانب سے اننگز کا آغاز شان مسعود اور محمد رضوان نے کیا، شان مسعود نے 20، محمد رضوان نے 66، ریلی روسو نے 36 گیندوں پر شاندار 75 بنائے، ڈیوڈ ملر نے 23 جبکہ کیرون پولارڈ نے 15 رنز بنائے اور دونوں ناٹ آؤٹ رہے، اس طرح ملتان سلطانز نے مقررہ 20 اوورز میں تین وکٹوں کے نقصان پر 210 رنز بنائے اور 211 رنز کا ٹارگٹ دیا۔ پشاور زلمی کی جانب سے سلمان ارشاد نے دو جبکہ سفیان مقیم نے ایک کھلاڑی کو آؤٹ کیا۔