اسلام آباد (این این آئی)ایف بی آر نے مختلف اشیاء پر سیلز ٹیکس میں اضافہ کر دیا ۔جاری نوٹیفکیشن کے مطابق کمپیوٹرز، لیپ ٹاپ اور گیجٹس پر سیلز ٹیکس 18 فیصد کردیا گیا، موبائل، اسمارٹ فونز، آئی پوڈز پر سیلز ٹیکس 18 فیصد کردیاگیا۔نوٹیفیکیشن کے مطابق سینکڑوں الیکٹرونکس پر

سیلز ٹیکس 18 فیصد کردیا گیا۔ نوٹیفکیشن کے مطابق ٹی وی، ایل ای ڈی اور ایل سی ڈی سیلز ٹیکس 18 فیصد کردیا گیا۔نو ٹیفکیشن کے مطابق جوسر، بلینڈرز، شیکرز اور دیگر الیکٹرنکس مشینری پر سیلز ٹیکس 18 فیصد کردیا گیا،گاڑیوں کے شیمپو، گاڑی چمکانے کی کریم اور دیگر سامان پر سیلز ٹیکس 18 فیصد کردیا گیا،پرفیوم اور برانڈڈ عطر پر بھی سیلز ٹیکس 18 فیصد کردیاگیا،تمام اشیا پر سیلز ٹیکس کی شرح 17 سے بڑھا کر 18 فیصد کردی گئی۔ نوٹیفیکیشن کے مطابق ڈبے میں بند تمام اشیا پر سیلز ٹیکس بڑھا دیا گیا، خوردنی تیل، بسکٹ، جام، جیلی، نوڈلز سب مہنگے ہوگئے ،بچوں کے کھلونے، چاکلیٹ، ٹافیاں سب ہر سیلز ٹیکس بڑھا دیا گیا ۔ نوٹیفکیشن کے مطابق خواتین کے لیے میک اپ کا سامان، مسکارے، کہ اسٹک، سب پر 18 فیصد سیلز ٹیکس لگا دیئے گئے ،شیمپو، کریم، لوشن، صابن اور ٹوتھ پیسٹ پر بھی سیلز ٹیکس 18 فیصد کردیا گیا،ہیئر کلر، ہیئر ریموو کریم، ہیئر جیل اور ہیئر سیرم پر سیلز ٹیکس 18 فیصد کردیا گیا ،شیونگ فوم، شیونگ جیل، شیونگ کریم اور شیونگ بلیڈز پر سیلز ٹیکس 18 فیصد کردیا گیا۔