نئی دہلی (این این آئی)بھارتی کرکٹ ٹیم کے چیف سلیکٹر چیتن شرما نے فٹنس کیلئے بھارت کے نامور کھلاڑیوں کی جانب سے انجکشن استعمال کرنے کا انکشاف کیا ہے۔نجی ٹی وی کی جانب سے بھارتی کھلاڑیوں کی فٹنس کا راز جاننے کے لیے

اسٹنگ آپریشن شروع کیا گیا جس دوران چیف سلیکٹر چیتن شرما نے انکشاف کیا کہ بھارت کے کئی بڑے اور نامور کھلاڑی فٹ رہنے کیلئے انجکشن کا استعمال کرتے ہیں۔بھارتی چیف سلیکٹر کے مطابق لگائے جانے والے انجکشن میں ایسی ممنوعہ دوا شامل ہوتی ہیجو ڈوپ ٹیسٹ میں پکڑی نہیں جاسکتی۔چیتن شرما کے مطابق بھارتی کھلاڑی ڈاکٹرز سے مشوریکے بعد انجیکشن لگواکر 100 فیصد فٹنس بناتے ہیں۔انہوں نے دعویٰ کیا کہ یہ کھلاڑی نامور کرکٹرز ہیں جن کیلئے ہزاروں ڈاکٹرز ایسے ہیں جو ایک فون کال پر انہیں رات گئے انجیکشن لگانے کیلئے پہنچ جاتے ہیں۔