لاہور (این این آئی)پاکستان سپر لیگ (پی ایس ایل ) 8 کی فرنچائز لاہور قلندرز کے بیٹر فخر زمان نے شان مسعود کو کامیاب شوہر بننے کیلئے بیگم کے ہر حکم پر سرجھکانے کا مشورہ دے دیا۔گزشتہ روز لاہور قلندرز کے فخر زمان اور ملتان سلطانز کے شان مسعود جیو نیوز کے پروگرام میں شریک ہوئے جس دوران میزبان شہزاد اقبال نے شادی کا کئی سالہ تجربہ رکھنیوالے فخر سے شان مسعود کو کامیاب شوہر بننے کیلئے مشورہ طلب کیا۔اس پر فخر نے کہا کہ شان بھائی بیگم جو بھی حکم دے اسے کھلے دل سے قبول کریں آپ ہمیشہ خوش رہوگے ۔س پر شان نے پوچھا کہ بیگم جس نمبر پر بولے کھیلوں؟ تو فخر نے کہا کہ اگر بیگم 10 نمبر یا پھر 11 نمبر پر بھی کھیلنے کا کہے تو آپ نے اوکے کہنا ہے، بیگم کا کردار کپتان سا ہے وہ جہاں بولیں آپ نے وہی کھیلنا ہے۔