لاہور ( آئی این پی) آئل مارکیٹنگ ایسوسی ایشن آف پاکستان نے کہا ہے کہ ملک بھر میں پٹرولیم مصنوعات کی فروخت معمول کے مطابق ہو گئی ہے۔چیئرمین طارق وزیر علی نے کہا کہ ایسوسی ایشن نے پہلے ہی کہا تھا ملک میں تیل وافر مقدار میں موجود ہے، تمام کمپنیوں نے عوام کی تکالیف کو مدنظر رکھتے ہوئے ہنگامی طور پرتیل کی سپلائی کو مزید بڑھایا، تمام تر نا مناسب حالات کے باوجود تیل کی سپلائی میں کمی نہیں آنے دی گئی۔ انہوں نے کہا کہ عوام سے اپیل ہے کہ قلت کرنے والوں کا ساتھ نہ دیں، پینک بائینگ نہ کریں، افواہوں پر یقین نہ کریں۔ طارق وزیر علی نے کہا کہ ملک نازک صورتحال سے گزر رہا ہے، آئل مارکیٹنگ کمپنیاں عوام کو ریلیف پہنچانے کے لیے کوشاں ہیں۔