اسلام آباد (مانیٹرنگ ڈیسک) پی ٹی آئی رہنما شہباز گل نے رکن قومی اسمبلی رمیش کمار سے اپنے ریمارکس پر معافی مانگ لی، رمیش کمار نے ٹوئٹر پر شہباز گل کے ساتھ تصویر شیئر کی اور لکھا کہ شہباز گل میرے گھر آئے اور اپنے ریمارکس پر معافی مانگی اور کہا کہ جو میں نے کہا آپ کو اس سے تکلیف پہنچی، مجھے افسوس ہوا جو بھی ہمارے درمیان ہوا۔ ڈاکٹر رمیش کمار نے کہا کہ سندھ کی ثقافت ہے جب کوئی ان کے گھر آتا ہے تو اسے معاف کر دیا جاتا ہے۔ انہوں نے شہباز گل کے خلاف ہتک عزت کا کیس بھی ختم کرنے کا اعلان کیا۔