انقرہ (این این آئی)پاک فوج کی ترکیے میں زلزلے سے متاثرہ صوبے ادیامان میں ریسکیو کارروائیاں تیز کر د ی گئیں ،ملبے تلے متعدد زندہ افراد کا تعین کر لیا۔پاک فوج کے دستے منفی 8 ڈگری درجہ حرارت کے باوجود ریسکیو سرگرمیاں جاری رکھے ہوئے ہیں، پاک فوج کی امدادی ٹیموں نے ملبے تلے دبے زندہ افراد کا 3 مقامات پر تعین کر لیاپاک فوج کی ریسکیو ٹیموں نے 24گھنٹے میں 17 مزید لاشیں ملبے سے نکال کر ورثا کے حوالے کیں۔ترک عوام کی جانب سے زلزلے سے متاثرہ علاقوں میں پاک فوج کے جوانوں کی خدمات کو سراہا گیا ۔خیال رہے کہ ترکیہ اور شام میں زلزلے سے مجموعی اموات 15 ہزار سے زیادہ ہو چکی ہیں، ترکیہ اور شام میں پیر کو 7.8 شدت کا زلزلہ آیاتھا۔