لاہور( این این آئی)مجلس وحدت المسلمین نے تحریک انصاف کے چیئرمین عمران خان کے جیل بھرو تحریک کے اعلان کی بھرپور حمایت کا اعادہ کیا ہے ۔علامہ راجہ ناصر عباس کی سربراہی میں مجلسِ وحدت المسلمین کے وفد نے زمان پارک تحریک انصاف کے چیئرمین عمران خان سے تفصیلی ملاقات کی جس میں ملکی سیاسی صورتحال، پنجاب اور پختونخوا ہ میں انتخابات میں التوا ء کی حکومتی کوششوں اور دونوں جماعتوں کے مابین اشتراکِ عمل کے حوالے سے تبادل خیال کیا گیا ۔ اجلاس میں پنجاب میں نگران حکومت کی جانب سے انتقامی حربوں کا بھی جائزہ لیا گیا اور پی ڈی ایم حکومت کی جانب سے انتقامی حربوں اور انتخابات سے فرار کی کوششوں کی شدید مذمت کی گئی ۔