اسلام آباد (مانیٹرنگ ڈیسک / این این آئی) وزیر مملکت برائے پیٹرولیم مصدق ملک نے پیٹرولیم مصنوعات ذخیرہ کر کے مصنوعی بحران پیدا کرنے وال کو سخت نتائج سے خبردار کر دیا ہے۔ سرگودھا، بہاول نگر، نارووال، کمالیہ، گوجرہ، شکر گڑھ اور منڈی بہاؤالدین کے بعد لاہور شہر میں بھی پٹرول کی قلت ہو گئی ہے، کئی پٹرول پمپس بند ہو گئے ہیںاور جہاں پٹرول مل رہا ہے

وہاں پر کار والوں کو چار ہزار سے زیادہ نہیں دیا جا رہا ہے جبکہ موٹر سائیکل والوں کو صرف چار سو روپے تک پٹرول دیا جا رہا ہے۔ دوسری جانب وزیر مملکت برائے پیٹرولیم مصدق ملک نے پیٹرولیم مصنوعات ذخیرہ کر کے مصنوعی بحران پیدا کرنے وال کو سخت نتائج سے خبردار کر تے ہوئے کہاہے کہ ذخیرہ اندوزی کرنے والوں سے کہتا ہوں کہ آج ہی رک جائیں، ریاست قدم اٹھائے گی تو پھر آپ لوگ بیٹھ کر پریس کانفرنسیں کر رہے ہوں گے۔پریس کانفرنس کرتے ہوئے مصدق ملک نے کہاکہ ملک میں پیٹرولیم مصنوعات کی کوئی قلت نہیں ہے، ہمارے پاس 20 روز کے پیٹرول اور 29 روز کے ڈیزل کا اسٹاک موجود ہے۔مصدق ملک نے کہاکہ ملک میں پیٹرولیم مصنوعات کی قلت ذخیرہ اندوزی کی وجہ سے ہے، پیٹرولیم مصنوعات ذخیرہ کرنے والوں سے کہنا چاہتا ہوں کہ آپ لوگ اس طرح کے اقدامات کر کے عوام میں اپنی عزت گھٹا رہے ہیں۔انہوں نے کہاکہ پیٹرولیم مصنوعات کی ذخیرہ اندوزی کرنے والوں سے کہتا ہوں کہ آج ہی رک جائیں ورنہ سخت نتائج بھگتنا پڑیں گے، جو بھی ذخیرہ اندوزی میں ملوث ہوا اس کا لائسنس منسوخ کر دیا جائے گا، ریاست قدم اٹھائے گی تو پھر آپ لوگ بیٹھ کر پریس کانفرنسیں کر رہے ہوں گے۔ملک میں چند روز قبل آنے والے بجلی بریک ڈاؤن کے حوالے سے وزیر مملکت برائے پیٹرولیم نے کہاکہ بجلی بریک ڈاؤن کی وجوہات پرکام مکمل کر لیا ہے، دو دن میں رپورٹ وزیراعظم کو پیش کر دوں گا۔مصدق ملک نے کہاکہ روس سے تیل خریداری کے معاملات مارچ کے آخر تک طے ہو جائیں گے اور امید ہے کہ اپریل سے ملک میں روس سے تیل آنا شروع ہو جائے گا۔