لاہور( این این آئی)سیکرٹری پنجاب اسمبلی محمد خان بھٹی کو سندھ سے حراست میں لے لیا گیا ۔محمد خان بھٹی کو سندھ کے علاقہ مٹیاری سے اس وقت حراست میں گیا جب وہ حفاظتی ضمانت کے لیے سندھ ہائیکورٹ جارہے تھے ۔ بتایا گیا ہے کہ ایس ایس پی حیدر آباد کی نگرانی میں محمد خان بھٹی کو سندھ پولیس نے حراست میں لیا ۔ سابق وزیر اعلیٰ پنجاب چوہدری پرویزالٰہی نے کہا کہ ہمیں خدشہ ہے ہمارے لیگل ایڈوائزرعامر سعید راں کی طرح محمد خان بھٹی کو بھی لاپتہ نہ کردیا جائے۔ چوہدری پرویز الٰہی نے کہا کہ آئی جی سندھ اور سندھ انتظامیہ کو خبردار کرتے ہیں کہ ایسے واقعات صوبوں میں نفرت کا باعث بنیں گے ۔