انقرہ (مانیٹرنگ ڈیسک) ترکیہ اور شام میں زلزلے کی پیشگوئی 3 روز قبل کر دی گئی تھی، ترکیہ اور شام میں آج دو انتہائی تباہ کن زلزلے آئے جس کے نتیجے میں اب تک 2300 سے زائد افراد جاں ہو چکے ہیں، اور درجنوں عمارتیں زمین بوس ہو چکی ہیں۔ میڈیا ذرائع کا کہنا ہے کہ نیدر لینڈ سے تعلق رکھنے والے تحقیق کار فرینک ہوگربیٹس نے سوشل میڈیا پر اپنی ٹوئٹ میں کچھ روز پہلے ہی اس خطے میں بڑے زلزلے کی پیشگوئی کر دی تھی۔ تین فروری کو کی گئی اپنی ٹوئٹ میں انہوں نے بتایا تھا کہ جلد یا بدیر جنوبی وسطی ترکیہ، اردن، شام اور لبنان میں 7.5 شدت کا زلزلہ آئے گا، ان کی پیشگوئی تین دن بعد ہی سچ ثابت ہوئی۔