لاہور ( این این آئی) قومی کرکٹ ٹیم کے سابق کپتان شاہد آفریدی نے کہا ہے کہ سوشل میڈیا پر میری بیٹیوں کا کوئی اکائونٹ نہیں ہے۔سماجی رابطے کی ویب سائٹ ٹوئٹر پر شاہد آفریدی نے انشا آفریدی کے نام سے منسوب اکائونٹ کی تصویر شیئر کرتے ہوئے پیغام میں لکھا کہ میں آپ کو بتانا چاہتا ہوں کہ سوشل میڈیا پر میری بیٹیوں کا کوئی اکائونٹ نہیں ہے۔ان کے نام سے منسوب سوشل میڈیا کے اکائونٹ جعلی ہیں۔سابق کپتان کا کہنا ہے کہ ان جعلی اکائونٹ کو رپورٹ کیا جانا چاہیے۔واضح رہے کہ رواں ماہ شاہد آفریدی کی بیٹی انشا کا قومی ٹیم کے فاسٹ بولر شاہین شاہ آفریدی سے نکاح ہوا ہے۔

موضوعات:شاہد آفریدی