کوئٹہ (نیوز ڈیسک) بلوچستان میں حساس اداروں کے تعاون سے ایف سی نے مختلف علاقوں میں کارروائی کرتے ہوئے ایک مشتبہ دہشت گرد سمیت تین اغوا کاروں کو گرفتار کر لیا جب کہ ایک مغوی کو بھی بازیاب کرا لیا گیا۔ ترجمان ایف سی کے مطابق ایف سی نے بولان میں کارروائی کرتے ہوئے ایک کمپاونڈ سے ایک مشتبہ دہشت گرد کو گرفتار کر لیا جس کے قبضے سے جدید گنیں اور ہزاروں گولیاں برآمد کر لی گئیں۔ قلعہ عبداللہ میں حساس اداروں کے ساتھ مل کر ایف سی نے کارروائی کرتے ہوئے تین اغوا کاروں کو گرفتار کر لیا جن کے قبضے سے ایک مغوی کو بازیاب کرا لیا گیا۔ ترجمان ایف سی کے مطابق گرفتار افراد کو تفتیش کے لئے نامعلوم مقام پر منتقل کر دیا گیا ہے۔