کوہاٹ (این این آئی) کوہاٹ میں ٹانڈا ڈیم آپریشن میں زندہ بچ جانے والے افراد کی طرف سے آرمی چیف اور پاک فوج کا شکریہ ادا کیا گیا ۔ زندہ بچ جانے والے امین اللہ نے کہاکہ میں واقعہ کے وقت کشتی میں سوار تھا ، کشتی الٹنے کے بعد میں اور میرے ساتھی تیرتے ہوئے کنارے کی طرف پہنچنے کی کوشش کرتے رہے ، میں راستے میں بے ہوش ہو گیا اور جب ہوش آیا

تو اپنے آپ کو کنارے پر پایا، میں آرمی چیف کا انتہائی شکر گزار ہوں کہ ان کی وجہ سے آخری بچے کی باڈی ملنے تک آپریشن جاری رہا۔محمد طاہر نے کہاکہ میں سارے اداروں کا شکریہ ادا کرتا ہوں خاص طور پر آرمی چیف کا جنکی کوشش سے ہمارے آخری دوست کو بھی ڈیم سے نکال لیا گیا۔پاک فوج کی طرف سے ریسکیو آپریشن میں حصہ لینے والوں نے کہا کہ لیفٹیننٹ کرنل عبداللہ: جب سانحہ کی اطلاع ملی تو میں اور میری ٹیم موقع پر پہنچے اور ابتدائی ریسکیو آپریشن میں حصہ لیا ۔ آرمی چیف کی خصوصی ہدایت پر ریسکیو آپریشن آخری باڈی کے مل جانے تک جاری رہا،میں اور میری ٹیم ایس ایس جی کے غوطہ خوروں کے ساتھ ڈیم کے اندر لگاتار کام کرتے رہے اور مل جانے والی باڈیز کو کنارے پر ایمبیولینس تک پہنچاتے رہے ،اللہ کی مدد سے ہمارا یہ آپریشن کامیابی سے مکمل ہوا،پاک فوج وقت پڑنے پر کسی بھی قربانی سے دریغ نہیں کرے گی۔کیپٹن وقار (ایس ایس جی) نے کہاکہ ہمیں ٹانڈا ڈیم میں مدرسہ سٹوڈنٹس کی کشتی ڈوبنے کی اطلاع ملی،ہمارے غوطہ خوروں نے فوری طور پر جائے وقوعہ پر پہنچ کر آپریشن کا آغاز کیا ، ہم نے ڈوبنے والوں کی باڈیز کو نکال کر ورثاء کے حوالے کیا،یہ لوگ ہمارے لوگ ہیں اور ہم انکو تکلیف میں نہیں دیکھ سکتے۔یاسر اللہ خٹک نے کہاکہ 1122 کوہاٹ : ریسکیو 1122 نے آرمی کے ساتھ ملکر ریسکیو آپریشن میں اپنا کردار ادا کیا- ریسکیو 1122کوہاٹ کی عوام کی مدد کے لئے ہر وقت تیار ہے۔