کوئٹہ (این این آئی)پاکستان کرکٹ ٹیم کے اسپن بولنگ آل رائونڈر شاداب خان نے ایک اوور میں 6 چھکے لگانے پر افتخار احمد کی تعریف کرتے ہوئے کہا ہے کہ افتخار نے وزیر کھیل کا بھی لحاظ نہیں کیا۔سوشل میڈیا پر شاداب خان نے لکھا ہے کہ میرے چھوٹے بھائی افتخار احمد نے وزیرِ کھیل وہاب ریاض کا بھی لحاظ نہیں کیا۔شاداب خان نے لکھا کہ وزیر صاحب کو آسان نہ لیں، وہ واپس آئیں گے۔انہوں نے لکھا کہ کوئٹہ کے لوگوں کا پیار اور سپورٹ دیکھ کر اچھا لگا، یہاں کے عوام شاندار کھیل دیکھنے کا حق رکھتے ہیں۔واضح رہے کہ کوئٹہ کے بگٹی اسٹیڈیم میں پاکستان سپر لیگ کے 8 ویں ایڈیشن کے نمائشی میچ میں افتخار احمد نے وہاب ریاض کو 6 گیندوں پر 6 چھکے لگائے تھے۔