راولپنڈی (نیوز ڈیسک) ٹیکسلا میں حساس اداروں نے بھاری مقدار میں دھماکہ خیز مواد برآمد کر کے تین افراد کو حراست میں لے لیا۔ ٹیکسلا کے علاقے میں حسا س اداروں نے ایک گاڑی کو روک کر تلاشی کے دوران 200 ڈیٹونیٹر اور بھاری مقدار میں بارود برآمد ہوئے۔ گاڑی میں موجود درائیور کوحراست میں لے لیا۔ جس کی نشاندہی پر راولپنڈی اور ٹیکسلا میں چھاپہ مار کراس کے مزید 2 ساتھیوں کو بھی حراست میں لے لیا گیا۔ زیر حراست افراد سے تفتیش کے دوران یہ بات سامنے آئی کہ یہ بارودی مواد کاروباری مقاصد کے لئے لے جایا جا رہا تھا اوریہ پہاڑوں کو کرش کرنے کے لئے ہے نہ کہ اسے دہشت گردی کے لئے استعمال کیا جانا تھا۔تینوں افراد سے مزید تفتیش کی جا رہی ہے۔