لاہور ( این این آئی) پاکستان شوبز انڈسٹری کی معروف کامیڈین و اداکار سہیل احمد کو ملک کے موجودہ حالات دیکھ کر ڈرامہ سیریز ڈبل سواری کا ایک ڈائیلاگ یاد آگیا۔سہیل احمد نے ٹوئٹر پر ملک کے موجودہ حالات پر اپنی رائے کا اظہار کیا ہے۔انہوں نے اپنے ٹوئٹ میں مشہور ٹی وی سیریز ڈبل سواری کا حوالہ دیتے ہوئے لکھا کہ ہمارے بزرگ اسی ٹھنڈک کو محسوس کرتے ہوئے اپنی اپنی قبروں میں اتر گئے کہ اب ہمارے بچوں کو اس ملک کیلئے خون نہیں صرف پسینہ بہانا پڑے گا۔انہوں نے مزید لکھا کہ مت لڑو آپس میں کہیں ایسا نہ ہو کہ اپنی ہی لڑائی کے شور میں تمہیں اپنے ہی گھر کا دروازہ ٹوٹنے کی آواز سنائی نہ دے۔