ہنگو (این این آئی)حکمران اتحاد پاکستان ڈیموکریٹک موومنٹ کے ترجمان حافظ حمد اللہ نے کہا ہے کہ آئین اور اسمبلیوں کو توڑنا آمروں کا کام ہے۔میڈیا سے گفتگو کرتے ہوئے حافظ حمد اللہ نے کہا کہ جنرل الیکشن اکتوبر2023 میں ہوں گے، معاشی حالات ٹھیک نہ ہوئے تو الیکشن 6 ماہ مخر کرسکتے ہیں۔انہوں نے کہا کہ سابق وزیراعظم عمران خان نے ملک کو معاشی طور پر کھوکھلا کیا۔پی ڈی ایم ترجمان نے کہا کہ عمران خان نے جاتے جاتے پاکستان کے ہاتھ پاوں معاشی طور پر باندھ کر چھوڑے، آئین اور اسمبلیوں کو توڑنا آمروں کا کام ہے۔انہوںنے کہاکہ پاناما کو بہانہ بنا کر نواز شریف کو نا اہل کر کے نیا سیاسی انتشار پیدا کیا گیا اور پی ٹی آئی کو بزور بازو مسلط کیا گیا تھا۔حافظ حمد اللہ نے کہا کہ پی ڈی ایم نے تحریک عدم اعتماد کے ذریعے مسلط کردہ حکومت کا خاتمہ کیا۔