اسلام آباد (این این آئی) پاکستان مسلم لیگ (ن) کے قائد سابق وزیر اعظم نوازشریف نے مریم نواز کو پارٹی میں اہم تنظیمی تبدیلیوں کا ٹاسک دیدیا۔میڈیا رپورٹ کے مطابق مسلم لیگ (ن)کے قائد نواز شریف نے اپنی جماعت کو انٹرا پارٹی انتخابات کی ہدایت کردی ہے، جس میں نواز شریف کو ایک بار پھر تاحیات پارٹی قائد منتخب کیا جائے گا۔ذرائع نے بتایا کہ نوازشریف کو تاحیات پارٹی قائد منتخب کرنے کیلئے آئین میں تبدیلی کی جائے گی، اور ن لیگ کے سیکرٹری جنرل احسن اقبال نے پارٹی آئین میں تبدیلی پر کام شروع کردیا ہے۔ذرائع کے مطابق پارٹی آئین کے تحت سینیئر نائب صدر پارٹی کا قائم مقام صدر بن سکتا ہے، اور صدر منتخب ہونے کیلئے سینیئر نائب صدارت کا عہدہ ہونا ضروری ہے، اس لئے شہبازشریف نے نوازشریف کی خواہش پر مریم نواز کو سینئیر نائب صدر مقرر کردیا ہے۔

موضوعات:نواز شریف