لاہور( این این آئی)لاہور الیکٹرک سپلائی کمپنی نے بجلی کے میٹرز کی قیمت میں سو فیصد اضافہ کردیا،نیٹ میٹرنگ پراجیکٹ میں استعمال ہونے والے بائی ڈائریکشنل میٹر کی قیمت 11ہزار سے بڑھ کر 22ہزار 700 روپے مقرر کرنے کا نوٹیفکیشن جاری کر دیا گیا۔لیسکو کی جانب سے نیٹ میٹرنگ کے لئے بائی ڈائریکشنل میٹرز کی قیمت میں 11ہزارروپے اضافہ کردیا گیا ہے جس کے بعد قیمت 11ہزار 625سے بڑھ کر 22ہزار 700روپے قیمت مقرر ہوگئی، اس کے ساتھ ہی کمپنی نے صارفین کو مارکیٹ سے میٹرز کی خریداری پر بھی پابندی عائد کر دی ہے۔