نئی دہلی (این این آئی)بھارت کے وکٹ کیپر بیٹر ریشبھ پنت کی ہسپتال پہنچتے ہی ڈاکٹر سے ہونے والی گفتگو سامنے آئی ہے جس میں کہا گیاہے کہ والدہ کو نیو ایئر کا سرپرائز دینے کیلئے گھر جارہا تھا۔تفصیلات کے مطابق 30 دسمبر کو ریشبھ پنت کی گاڑی کو حادثہ ریاست اترکھنڈ سے نئی دہلی آتے ہوئے پیش آیا، بھارتی وکٹ کیپر کی کار ہائی وے کی ریلنگ سے ٹکرائی اور اس میں آگ بھڑک اٹھی، آگ لگنے کے باعث ریشبھ پنت کی گاڑی مکمل طور پر جل گئی۔ حادثے میں ریشبھ پنت کو سر اور جسم کے دیگر حصوں پر شدید چوٹیں آئیں جنہیں فوری طور پر ہسپتال منتقل کیا گیا تاہم ڈاکٹرز کا کہنا ہے کہ کرکٹر کی حالت اب بہتر ہے۔