کراچی (این این آئی)پاکستان اور نیوزی لینڈ کے درمیان کراچی میں ہونے والے دوسرے ٹیسٹ کے لیے مزید تین پلیئرز کو تجربے کے لیے بلانے کا فیصلہ کیا گیا ہے۔ذرائع کے مطابق نوجوان پرفارمرز کو ایکسپوڑر کے لیے ڈریسنگ روم شیئر کرنے کے لیے ٹیم کے ساتھ رکھا جائے گا۔ذرائع کے مطابق احسان اللہ، صائم ایوب اور حسیب اللہ دوسرے ٹیسٹ میں پاکستان ٹیم کے ساتھ ہوں گے۔اس سے قبل پہلے ٹیسٹ میں بھی پی سی بی سلیکشن کمیٹی نے تین نوجوانوں کو ڈریسنگ روم تجربہ دیا تھا۔خیال رہے کہ پاکستان اور نیوزی لینڈ کے درمیان دوسرا ٹیسٹ میچ 2 جنوری بروز پیر سے نیشنل بینک ارینا کراچی میں شروع ہوگا۔

موضوعات:دوسرا ٹیسٹ