لاہو ر( این این آئی) پاکستان تحریک انصاف کے چیئرمین عمران خان نے اسلام آباد میں سیاسی سرگرمیاں شروع کرنے کا فیصلہ کر لیا ۔ ذرائع کے مطابق عمران خان نے جنوری کے پہلے ہفتے میں بنی گالہ جانے کا ارادہ کیا ہے اور اس ضمن میں انہوں نے پارٹی قیادت کو بھی بنی گالہ آنے سے متعلق آگاہ کر دیا ہے۔پارٹی ذرائع کے مطابق عمران خان کی آمد کے لیے بنی گالہ سیکرٹریٹ کو بھی آگاہ کر دیا گیا ہے اور بنی گالہ سیکرٹریٹ کو انتظامات مکمل کرنے کی ہدایت بھی جاری کر دی گئی ہے۔یاد رہے کہ تین نومبر کو وزیر آباد میں لانگ مارچ کے دوران عمران خان پر حملہ کیا گیا تھا، تین نومبر کے بعد 26نومبر کو عمران خان راولپنڈی جلسے میں شریک ہوئے لیکن جلسے میں شرکت کے بعد فوری لاہور کے لیے روانہ ہو گئے۔حملے کے بعد تقریباً 2 ماہ سے عمران خان اپنی بنی گالہ رہائش گاہ نہیں گئے اور لاہور سے ہی سیاسی سرگرمیاں جاری رکھے ہوئے ہیں۔