لاہور (این این آئی)سابق چیئرمین پی سی بی رمیز راجہ کے اربوں روپے کا پروجیکٹ مینجمنٹ کمیٹی نے ختم کرنے کا فیصلہ کرلیا۔ نجی ٹی وی کے مطابق رکن کمیٹی شکیل شیخ نے بتایا کہ پاکستان جونئیر لیگ پہلی اور آخری مرتبہ ہوئی اب نہیں ہوگی۔انہوں نے کہا کہ سوشل میڈیا پر نجم سیٹھی اور رمیز راجہ کے اخراجات کے موازنے کی فہرست جھوٹ پر مبنی ہے، احسان مانی نے جعلی ٹیبل جاری کیا تھا، دونوں ٹیبلز میں نجم سیٹھی کے خرچوں میں اضافہ کرکے پیش کیا گیا۔شکیل شیخ نے کہا کہ رمیز راجہ نے پاکستان جونئیر لیگ کے نام پر 43 لاکھ ڈالرز کا نقصان کیا، نجم سیٹھی نے پی ایس ایل کو 70 ملین ڈالر کا پراڈکٹ بنایا۔

موضوعات:پی سی بی