اسلام آباد (آن لائن)جی ایچ کیو میں آرمی چیف کی زیر صدارت 254 ویں کور کمانڈر کانفرنس کا انعقاد ہوا۔آئی ایس پی آر کے مطابق کور کمانڈر کانفرنس کی صدارت آرمی چیف جنرل عاصم منیر نے کی۔کانفرنس میں پاک فوج کی پیشہ ورانہ اور تنظیمی امور کا جائزہ لیا گیا۔آرمی چیف جنرل عاصم منیر کی دہشت گردوں کے خلاف بلا امتیاز لڑنے کی ہدایت کی ہے۔کور کمانڈر کانفرنس میں دہشت گردی کو ملک سے ختم کرنے کا عزم کیا گیا۔دفاعی ذرائع کے مطابق کانفرنس میں پاک افغان سرحدی امور،مشرقی سرحدوں کی صورتحال اور خطے کی تیزی سے بدلتی صورتحال کا بھی جائزہ لیا گیا، ذرائع کے مطابق اس بات کا عزم کیا گیا کہ شہداء کی قربانیوں کو رائیگاں نہیں جانے دیا جائے گا عوامی امنگوں کے مطابق دہشت گردی کا خاتمہ کیا جائے گا۔