اسلام آباد(این این آئی)الیکشن کمیشن آف پاکستان نے کہا ہے کہ اسمبلی تحلیل ہوئی تو نیا مینڈیٹ 5سال کیلئے ہو گا۔نجی ٹی وی نے ذرائع الیکشن کمیشن کے حوالے سے بتایاکہ قومی و صوبائی اسمبلیوں کا الیکشن ایک تاریخ پر کرانا آئینی تقاضہ نہیں، اسمبلی تحلیل ہونے کی صورت میں پوری اسمبلی کا انتخاب ضمنی الیکشن نہیں ہوتا۔الیکشن کمیشن نے کہاکہ قومی اسمبلی میں استعفے منظور ہوئے تو ضمنی انتخاب ہو گا، اسمبلیاں تحلیل ہوئیں تو90روز میں الیکشن کرانے ہوں گے،90روز میں انتخابات کرانا آئینی تقاضہ ہے۔