لاہور (این این آئی) قومی کرکٹ ٹیم کے سابق آل راؤنڈر عبدالرزاق نے کہا ہے کہ ٹیسٹ میں کم از کم 5 بیٹرز کھیلتے ہیں،بدقسمتی سے ہم نے ان کھلاڑیوں کو کھلایا جو حقدار نہیں تھے۔انہوں نے نجی ٹی وی سے گفتگو کرتے ہوئے کہا کہ ابرار احمد کی وجہ سے یہ ٹیسٹ یہاں تک پہنچا۔ جس ٹیسٹ میں انگلینڈ 2فاسٹ بولر کھلاتا ہے ہم 3 کھلا دیتے ہیں، ہمیں ٹیم دیکھ کر سلیکٹ کرنی چاہیے۔عبدالرزاق نے کہا کہ بدقسمتی سے ہم نے ان کھلاڑیوں کو کھلایا جو حقدار نہیں تھے۔واضح رہے کہ انگلینڈ نے پاکستان کو دوسرے ٹیسٹ میچ میں 26 رنز سے شکست دے کر سیریز اپنے نام کر لی ہے۔