لاہور ( این این آئی) پاکستان تحریکِ انصاف کے چیئرمین و سابق وزیر اعظم عمران خان کے دونوں بیٹے قاسم اور سلمان لاہور پہنچ گئے۔تفصیلات کے مطابق سابق وزیر اعظم پر قاتلانہ حملے کے بعد عمران خان کے دونوں صاحبزادے اپنے والد کی خیریت دریافت کرنے پاکستان پہنچے ہیں۔واضح رہے کہ گزشتہ ہفتے میں چیئرمین پاکستان تحریکِ انصاف عمران خان نے قاتلانہ حملے کے بعد برطانیہ میں اپنے بچوں سے ٹیلی فون پر رابطہ کیا تھا۔عمران خان کے بیٹوں نے انکی خیریت دریافت کی تھی، عمران خان نے اپنے بچوں کو حوصلہ دیا تھا۔اس سے قبل عمران خان کی سابقہ اہلیہ جمائما گولڈ اسمتھ نے ٹوئٹر پر ایک بیان میں کہا تھا کہ خوفزدہ کر دینے والی خبر آئی تاہم خدا کا شکر کہ عمران خان ٹھیک ہیں۔جمائما نے عمران خان کے بیٹوں کی طرف سے حملہ آور کو پکڑنے والے بہادر شخص ابتسام کا شکریہ بھی ادا کیا تھا۔