سڈنی (آن لائن) قومی ٹیم کے وکٹ کیپر بلے باز محمد رضوان کا کہنا تھا کہ میں نے اور بابر نے نیوزی لینڈ کیخلاف پاور پلے میں اٹیک کرنے کا منصوبہ بنایا تھا۔ محمد رضوان کا کہنا تھا کہ اللہ کہتا ہے محنت کرو اور مجھ پر یقین رکھو، میں تمہارے لئے چیزیں آسان کر دوں گا، ٹی ٹونٹی ورلڈ کپ کے پہلے سیمی فائنل میں نیوزی لینڈ کیخلاف میچ وننگ 57 رنز سکور کرنے کے بعد مین آف دی میچ ایوارڈ حاصل کرنے کے بعد گفتگو کرتے ہوئے محمد رضوان نے کہا کہ میں اور بابر نے نئی گیند پر اٹیک کرنے کا فیصلہ کیا کیوں کہ پچ مشکل تھی،جب ہم نے پاور پلے ختم کیا تو ہم سے ایک نے آخر تک کھیلنے کا فیصلہ کیا، لڑکوں نے سخت محنت کی ہے اور ہم نے ہمیشہ خود پر یقین کیا ہے۔