اسلام آباد (مانیٹرنگ ڈیسک )بابر اعظم 2048 میں وزیراعظم ہوں گے، وفاقی وزیر خواجہ آصف نے قومی ٹیم کی جیت پر پیغام جاری کر دیا ۔ سماجی رابطوں کی ویب سائٹ ٹویٹر پر خواجہ آصف نے قومی ٹیم کیلئے مبارکباد دیتے ایک ٹویٹ کاپی پیسٹ کیا ۔ انہوں نے کہا ہے کہ پاکستان نے بنگلادیش کو شکست دے کر سیمی فائنل میں جگہ بنا لی ہے اور سیمی فائنل میں اب پاکستان اور نیوزی لینڈ آمنے سامنے ہوں گے جب کہ انگلینڈ اور بھارت دوسرے سیمی فائنل میں مدمقابل ہوں گے۔خواجہ آصف کا کہنا تھا کہ ہم نیوزی لینڈ کو ہرادیں اور انگلینڈ بھارت کو تو 1992 کے ورلڈکپ کے فائنل کی طرح پاکستان اور انگلینڈ آمنے سامنے ہوں گے اور اسی طرح انگلینڈ کو ہرا کر 1992 کی تاریخ دہرادیں تو قومی کرکٹ ٹیم کےکپتان بابر اعظم 2048 میں ہمارے وزیراعظم ہوں گے۔