پرتھ(این این آئی) پاکستان کرکٹ ٹیم ٹی ٹوئنٹی ورلڈکپ کا اپنا تیسرا میچ اتوار کو پرتھ میں نیدرلینڈز کے خلاف کھیلے گی تاہم میچ کے دوران بارش کا بھی امکان ہے۔میڈیا رپورٹ کے مطابق پرتھ میں اس وقت موسم سرد اور درجہ حرارت 10 ڈگری ہے، اتوار کو پاکستان کے میچ کے دوران ہوا اور بارش کا امکان ہے، پرتھ میں اتوار کو دن مقامی وقت دو سے چار بجے تک بارش کی پیش گوئی ہے۔اتوار کو بارش کے امکانات اس وقت 50 فیصد سے کم ہیں، دو بجے 35، تین بجے 24 اور چار بجے 11 فیصد امکانات ہیں، پرتھ میں ہفتہ کو بھی کچھ دیر بارش ہوئی ہے اور وقفے وقفے سے بوندا باندی بھی ہوئی ہے