کوئٹہ (آن لائن )پاکستان ڈیموکریٹک موومنٹ کے مرکزی سیکرٹری اطلاعات مولاناحافظ حمد اللہ نے کہاہے کہ عمران خان پاکستان کا نہیں ہندوستان کا زبان بول رہاہے کیا یہ ہے حقیقی آزادی؟ جس سے بھارت کا کام آسان کیا جارہا ہے بھارتی میڈیا بھی عمران خان کے گن گانے لگا
اور تیس مارخان کو اپنا پیارا قرار دیا تیس مارخان مارچ ٹھس مارچ اور لاحاصل مارچ ثابت ہوگا چلتے نظام میں کسی قسم کی جتھہ سیاست قبول نہیں اور نہ ہی برداشت کی جائیگی ۔۔ان خیالات کااظہار انہوں نے عمران خان کے لانگ مارچ پر ردعمل دیتے ہوئے کیا۔ مولاناحافظ حمد اللہ نے کہاکہ ریاست اور ریاستی اداروں پر تنقید پاکستان کی نہیں دشمن کی خدمت ہے عمران خان پاکستان کا نہیں ہندوستان کا زبان بول رہاہے کیا یہ ہے حقیقی آزادی؟ جس سے بھارت کا کام آسان کیا جارہا ہے بھارتی میڈیا بھی عمران خان کے گن گانے لگا اور تیس مارخان کو اپنا پیارا قرار دیا تیس مارخان رات کے اندھیروں میں بند دروازوں کے پیچھے اقتدار کی بھیک مانگتا ہے جبکہ کے دن کے اجالے میں قوم کے سامنے انہیں اداروں کے خلاف بڑھکیں مار رہاہے تیس مارخان مارچ ٹھس مارچ اور لاحاصل مارچ ثابت ہوگا چلتے نظام میں کسی قسم کی جتھہ سیاست قبول نہیں اور نہ ہی برداشت کی جائیگی ۔
