لاہور(این این آئی)پاکستان تحریک انصاف کے رہنما فرخ حبیب نے پاکستان پیپلز پارٹی کے رہنما اعتزاز احسن کو پی ٹی آئی میں شمولیت کی دعوت دے دی۔ایک بیان میں فرخ حبیب نے کہا ہے کہ اعتزاز احسن پی ٹی آئی میں شامل ہونا چاہتے ہیں تو آ جائیں۔انہوں نے کہا کہ اعتزاز احسن اپنی پارٹی میں کھل کر اختلاف کرتے ہیں وہ کارکنان کے رول ماڈل ہیں۔فرخ حبیب نے مزید کہا کہ (ن) لیگ اور پاکستان پیپلز پارٹی میں بادشاہی ہے، کسی کی جرات نہیں کہ اختلاف کرے۔تحریک انصاف میں آنے کے لیے ہر اچھے بندے کے لیے راستے کھلے ہوئے ہیں۔