اسلام آباد (مانیٹرنگ ڈیسک) لانگ مارچ سے قبل تحریک انصاف نے باڈی بلڈرز کی ڈنڈا فورس تیار کرلی ہے، پنجاب میں تحریک انصاف نے انصاف فورس بنا دی، انصاف فورس میں باڈی بلڈرز ڈنڈا بردار نوجوان ہوں گے، اس میں پڑھے لکھے اور گریجویٹ لوگ ہوں گے اور اس میں باڈی بلڈرز ہونا ضروری ہے۔ تحریک انصاف کا جو اعتماد کا بندہ ہوگا وہ اس ٹیم کا حصہ ہو گا، لانگ مارچ میں یہ فورس بچوں اور عورتوں کی حفاظت کرے گی، یہ ٹیم لڑنے کے لئے نہیں بنائی گئی بلکہ خان صاحب کے نام پر مرنے کے لئے بنائی گئی ہے، یہ ٹیم پارٹی اور ملک کے لئے وفادار رہے گی۔