لندن(این این آئی) برطانیہ کے شاہ چارلس سوم نے وزیراعظم لز ٹرس کی تضحیک کر دی۔ایک نجی ٹی وی کے مطابق لز ٹرس کا خیال ہوگا کہ بادشاہ چارلس سے پہلی ہفتہ وار ملاقات سے انھیں کچھ وقت کیلیے گزشتہ دنوں کے سیاسی اور اقتصادی بحران کو بھولنے میں مدد ملے گی۔مگر ایسا کچھ نہیں ہوا اور بکنگھم پیلس میں ہونے والی ملاقات کی 15 سیکنڈ کی وڈیو میں بادشاہ نے برطانوی وزیراعظم کیلیے حالات بدتر بنا دیے۔ٹویٹر پر وائرل وڈیو میں دیکھا جا سکتا ہے کہ لز ٹرس گھٹنوں کو موڑ کر رسمی تعظیم پیش کرتے ہوئے یور میجسٹی کہتی ہیں، جس پر بادشاہ جواب دیتے ہیں تو آپ پھر واپس آ گئیں؟ جس پر لز ٹرس مسکراہٹ کے ساتھ کہتی ہیں کہ یہ میرے لیے بہت خوشی کی بات ہے۔ جس پر بادشاہ چارلس نے کہا کہ ڈئیر اوہ ڈئیر، اینی وے۔