پاکستان میں کورونا ختم ہونے کے قریب پہنچ گیا

اسلام آباد (این این آئی)کورونا ختم ہونے کے قریب پہنچ گیا، گزشتہ روز 62 کیسز سامنے آئے ، گزشتہ 9 روزسے کورونا کے باعث کوئی ہلاکت رپورٹ نہیں ہوئی ،

ہسپتالوں میں زیرعلاج مریضوں میں سے 30 کی حالت تشویشناک ہے ، کورونا مثبت کیسز کی شرح 0 اعشاریہ 53 فیصد ریکارڈ کی گئی۔قومی ادارہ صحت کے مطابق گزشتہ 24 گھنٹے میں 11ہزار 779 ٹیسٹ کئے گئے جن میں سے مزید 62 افراد میں کورونا کی تشخیص ہوئی ،

گزشتہ 24 گھنٹے میں بھی کسی مریض کی ہلاکت رپورٹ نہیں ہوئی ، ملک بھرکے ہسپتالوں مین زیرعلاج مریضوں میں سے 30 کی حالت تشویشناک بتائی جارہی ہے ۔

کورونا مثبت کیسز کی شرح 0 اعشاریہ 53 فیصد ریکارڈ کی گئی سب سے زیادہ شرح پشاور میں 3 اعشاریہ 59 فیصد رہی،

لاہور میں 1.75 فیصد ، ملتان میں 1.35 فیصد ،کراچی میں 0.64 فیصد اور حیدرآباد میں 0.49 فیصد ریکارڈ کی گئی۔