لندن(نیوزڈیسک) وفاقی وزیرداخلہ چوہدری نثارعلی خا ن کی کوششیں رنگ لائیں ۔چوہدری نثارعلی خان جوکہ ان دنوں لندن میں ہیں وہاں پروہ مختلف برطانوی حکام سے اہم ملاقاتیں کررہے ہیں جس کی بدولت برطانیہ نے بلوچستا ن میں امن کے قیام کے لئےتیارہوااوراپناکرداراداکردیاذرائع کے مطابق برطانوی حکومت کی کوششوں کے بعد بلوچ علیحدگی پسندوں نے پاکستانی حکومت سے بات چیت پر رضا مندی ظاہر کی ہے ۔ برطانوی حکومت نے بلوچستان علیحدگی پسندوں کا معاملہ حل کرانے کیلئے اہم کردار ادا کیا اور برطانوی حکام معاملہ حل کرانے کیلئے بیک ڈور ڈپلومیسی سے کام لے رہے ہیں۔ بات چیت کے بعد ناراض بلوچ پاکستان واپسی کا اعلان کر سکتے ہیں۔ ذرائع کا کہنا ہے کہ بلوچ علیحدگی پسندوں کے مسئلے پر پاکستان نے برطانوی حکومت سے مدد کی درخواست کی تھی۔ واضح رہے اس سے پہلے بی بی سی سے انٹرو میں بلوچ ری پبلکن پارٹی (بی آر پی ) کے سربراہ نے کہا تھا کہ اگر بلوچ عوام چاہتے ہیں تو وہ آزاد بلوچستان کے مطالبے سے دستبرداری کے لیے تیار ہیں۔ ان کا کہنا تھا کہ وہ تمام معاملات سیاسی اور پرامن طریقے سے حل کرنا چاہتے ہیں ۔