اسلام آباد ( آن لائن، این این آئی)اسلام آباد میں ڈائریکٹر سسٹم سیف سٹی کی پھندا لگی لاش برآمد ہوئی ہے۔آئی جی نے واقعہ کی تحقیقات کا حکم دیدیا ۔ترجمان پولیس کے مطابق عبدالقدیر خان ڈائریکٹرسسٹم سیف سٹی این ٹی سی میں ملازم تھے، ڈیپوٹیشن پر اسلام آباد پولیس میں
خدمات انجام دے رہے ہیں، واقعہ تھانہ کھنہ کے علاقے میں پیش آیا۔ترجمان کے مطابق آئی جی اسلام آباد نے واقعہ کا نوٹس لیکر تحقیقات کا حکم دیا ہے ،سینئر پولیس افسران اور فرانزک ٹیمیں موقع پر موجود ہیں اور واقعہ کی تحقیقات کی جارہی ہیںجو بھی حقائق سامنے آئیں گے وہ میڈیا کے سامنے شیئر کئے جائیں گے، ترجمان کے مطابق بظاہر واقع خود کشی کا لگ رہا ہے نعش کو پوسٹ مارٹم کے لیے ہسپتال بھجوا دی گئی ہے ۔دوسری جانب تھانہ کھنہ کے علاقہ میں ڈائریکٹر سسٹم سیف سٹی کی پھندا لگی لاش برآمد ہونے پر آئی جی اسلام آباد نے نوٹس لے لیا ،آئی جی اسلام آباد نے ڈی آئی جی آپریشنز کو کیس کی ہر پہلو سے شفاف تحقیقات کرنے کے احکامات جاری کر دئیے۔ ترجمان پولیس کے مطابق آئی جی نے کہاکہ اسلام آباد پولیس لواحقین سے اظہار ہمدردی کرتی ہے۔آئی جی نے کہاکہ سینئر پولیس افسران اور فرانزک ٹیمیں موقع پر موجود ہیں۔ پولیس واقعے کی تحقیقات کر رہی ہے۔ آئی جی نے مرحوم این ٹی سی کے ملازم تھے اور ڈیپوٹیشن پر اسلام آباد پولیس میں اپنی خدمات سرانجام دے رہے تھے۔آئی جی نے کہاکہ وقوعہ کی تفتیش جاری ہے اور جو بھی حقائق سامنے آئیں گے وہ شیئر کئے جائیں گے، اللہ کریم مرحوم کو غریق رحمت کرے۔ آمین
