x اسلام آباد( آن لائن ) وفاقی وزیرِداخلہ رانا ثناء اللہ نے کہا ہے عمران خان جیسے پاگل شخص سے بات ممکن نہیں، صوبوں نے پولیس کی نفری بھجوانے سے انکار کیا تو ان کے خلاف آئینی کے تحت کاروائی ہوگی۔

پارلیمنٹ میں صحافیوں سے غیررسمی گفتگو کرتے ہوئے وزیر داخلہ نے کہا کہ عمران خان جیسے پاگل شخص سے بات ممکن نہیںخان صاحب نے تیاری پکڑ نی ہے تو ہم بھی مکمل تیار ہیں،ریڈ زون کو احتیاط برتنے کے لئے سیل کیا ہے ریڈ زون کو کھول رہے ہیںجب خان صاحب آنے کا ارادہ ظاہر کریں گے تو دوبارہ سیل کریں گے، آنسو گیس کے شیل ربڑ بلٹس سمیت مظاہرین کے لئے جدید طریقہ اختیار جائے گا ڈرون کے استعمال پر بھی غور کیاجائے گا ۔ انہو ںنے کہا کہ صوبوں سے پولیس فورس مانگی ہے اگر صوبوں نے پولیس کی نفری بھجوانے سے انکار کیا تو ان کے خلاف آئینی کے تحت کاروائی ہوگی،رانا ثناء اللہ نے کہا کہ ہماری افواج اور سیکیورٹی فورسز طالبان کے مسئلہ سی نمٹنے کی مکمل صلاحیت رکھتی ہیں،گھبرانے کی کوئی بات نہیں ، مسلح افواج طالبان والے مسئلے کو حل کررہی ہیں۔