ممبئی (این این آئی)بالی ووڈ کے مشہور زمانہ گانے ”جب کوئی بات بگڑ جائے” کی بات بگڑ گئی، زبان زد عام گانا آسٹریلوی پاپ بینڈ کے گانے کی نقل نکلا۔بالی ووڈ انڈسٹری کی برسوں قبل کی گئی چوری پکڑی گئی، 1990 میں ریلیز ہونے والی بالی ووڈ کی فلم ‘جْرم’ کا گانا جب کوئی بات بگڑ جائے در حقیقت چوری کیا ہوا ہے۔بھارتی گانا آسٹریلوی گانے ‘500 مائیلز’ کی نقل ہے،

اصل گانا پاپ بینڈ ‘دی سیکرز’ نے 1964 میں ریلیز کیا تھا۔واضح رہے کہ بھارتی گانا کمار سانو اور سادھنا سرگم کی آواز میں ریکارڈ کیا گیا تھا۔ اس کی دھن معروف کمپوزر راچیش روشن نے ترتیب دی ہے جبکہ اس کی شاعری اندیور اور پایم سعدی نے کی ہے۔دوسری جانب مشہور تامل اداکارہ پولین جیسیکا 18 ستمبر کو چنائی کے ویروگمبکم ملیکا ایونیو میں اپنے فلیٹ میں مردہ پائی گئیں۔بھارتی نشریاتی ادارے ‘این ڈی ٹی وی’ کی رپورٹ کے مطابق اداکارہ آندھرا پردیش کی رہنے والی تھیں اور یہاں کرایے کے فلیٹ میں مقیم تھیں۔دیپا کے نام سے مشہور پولین جیسیکا نے حال ہی میں ریلیز ہونے والی تامل فلم ‘ویدھا’ میں مرکزی کردار ادا کیا تھا۔ اس کے علاوہ بھی انہوں نے مختلف تامل فلموں اور سیریلز میں کام کیا۔مشہور اداکارہ کی لاش اتوار 18 ستمبر کو ان کے اپارٹمنٹ میں لٹکی ہوئی پائی گئی۔کویمبیڈو پولیس کو اداکارہ کے پڑوسیوں سے ان کی موت کی اطلاع ملی تھی۔بعد ازاں پولیس موقع پر پہنچی اور لاش کو پوسٹ مارٹم کے لیے کلپاک گورنمنٹ میڈیکل کالج و ہسپتال بھیج دیا۔اس کے بعد اداکارہ کے لواحقین کو اطلاع دی گئی اور ان کی لاش کو

آبائی علاقے آندھرا پردیش روانہ کردیا گیا۔پولیس یہ جاننے کی کوشش کر رہی ہے کہ پولین جیسیکا کی رہائش گاہ پر کون کون لوگ آئے تھے۔پولیس کو معلوم ہوا کہ خودکشی سے ایک روز قبل اداکارہ آٹو رکشہ میں سوار ہو کر اپنے اپارٹمنٹ پہنچی تھیں۔پولیس اس بات کا بھی پتا لگانے کی کوشش کر رہی ہے کہ

کیا یہ خودکشی کا معاملہ ہے یا کسی نے انہیں خودکشی پر مجبور کیا ہے۔پولیس کے مطابق ایک خودکشی کا نوٹ بھی ملا ہے جس میں اداکارہ نے لکھا کہ ان کی موت کی اصل وجہ ایک ناکام رشتہ ہے۔